Бұл күді бізге О.Қабиғожин орындап берді. Күйдің от жалындай қызуы, дүрсілдеген екпіні, делебеңді қоздыратын жігері музыка, би мамандарының назарын бірден аударды, бір топ қыз билейтін күйдің өз атымен «Балбырауын» аталған би қойылды.
Шығу тарихы:
О.Қабиғожиннің айтуы бойынша, бұл күйді ауыл жастарының ойын сауығына арналған. Исатай көтерілісінің басылған кезеңінде қынжылу нәтижесінде туған «Кішкентайдан» кейін күйші уайым теңізіне бата бермей, онсыз да еңсесі басылып, шаршап отырған халықтың көңілін көтеріп, болашақтан үмітсыз емес екенін күй тілімен айтып бергісі келгендей «Балбырауын» күйін шығарған.
